ડીસાના સમૌ મોટા ગામે જૂની અદાવતમાં વૃદ્ધને માર મરાયો..

ડીસા તાલુકાના સમૌ મોટા ગામમાં જૂની અદાવતને કારણે એક 55 વર્ષીય વૃદ્ધ પર હુમલો થયો હોવાનો બનાવ સામે આવ્યો છે, બાબુભાઈ હેમાભાઈ પરમાર નામના વૃદ્ધને ત્રણ શખ્સોએ ગાળો બોલી માર માર્યો હતો અને જાનથી મારી નાખવાની ધમકી આપી હતી, આ મામલે ડીસા રૂરલ પોલીસ મથકે ફરિયાદ નોંધાવવામાં આવી છે..

ફરિયાદી બાબુભાઈ હેમાભાઈ પરમાર ના જણાવ્યા અનુસાર, તેઓ દૂધ લઈને ઘરે આવ્યા ત્યારે તેમની દીકરી કાજલ બેન તથા બાબુભાઈ મોહનભાઈ પરમાર, સુરેશભાઈ મોહનભાઈ પરમાર અને શંકરભાઈ પરમાર ઊભા હતા, આ ત્રણેય શખ્સોએ બાબુભાઈ ને ત્રણ મહિના પહેલા તેમના દીકરા વિરુદ્ધ ખોટી અરજીઓ કેમ કરી હતી તે પૂછી ગાળો બોલવાનું શરૂ કર્યું હતું, જ્યારે બાબુભાઈ હેમાભાઈ પરમારે ગાળો બોલવાની ના પાડી, ત્યારે ત્રણેય શખ્સો ઉશ્કેરાઈ ગયા અને તેમને માર મારવા લાગ્યા, તે સમયે ગામના કપીલભાઈ બાબુભાઈ પણ ત્યાં આવી ગયા અને તેમણે પણ બાબુભાઈ ને ગડદાપાટુનો માર માર્યો, બાબુભાઈની દીકરી કાજલબેન તેમને છોડાવવા આવતા, ચારેય શખ્સોએ તેને પણ ઉપાડી જવાની ધમકી આપી, જેનાથી ડરીને કાજલબેન ઘરમાં જઈ દરવાજો બંધ કરી દીધો હતો..

આ હુમલા પાછળ જૂની અદાવત કારણ ભૂત હોવાનું મનાય છે, એક વર્ષ અગાઉ સુરેશભાઈ મોહનભાઈ પરમારે બાબુભાઈ ને છરી મારી હતી, જે અંગે ડીસા રૂરલ પોલીસ સ્ટેશનમાં ગુનો નોંધાયો હતો અને હાલ ડીસા કોર્ટમાં કેસ ચાલી રહ્યો છે, આ ઉપરાંત, બે-ત્રણ મહિના પહેલા દીકરી કાજલબેન સાથે નિકુલભાઈ બાબુભાઈ એ ચાર્જર બાબતે માથાકૂટ કરી હતી, જે અંગે પોલીસ માં અરજી કરાઈ હતી અને સમાધાન થયું હતું..

હુમલાખોરો જતા-જતા બાબુભાઈ ને ધમકી આપી હતી કે, "આજ તો બચી ગયો છે, પરંતુ હવે પછી એકલા મળશે તો જાનથી મારી નાખીશું અને દીકરી એકલી મળશે તો ઉપાડી જઈશું." આ બનાવ અંગે બાબુભાઈએ તેમના પત્ની, સાળા મેહુલભાઈ દેવાભાઈ ચૌહાણ (ચંડીસર) અને મનોજભાઈ નટવરભાઈ (નંદેલવાડા) સાથે રાખીને ચાર વિરુદ્ધ ડીસા રૂરલ પોલીસ મથકે ફરિયાદ નોંધાવી છે..