ડીસા ની જોખમનગર સોસાયટીમાં રોડ લાઈટ મુદ્દે ચૂંટણી બહિષ્કાર નો નિર્ણય..

ડીસાના વોર્ડ નંબર 3 માં આવેલી જોખમનગર સોસાયટીના રહીશોએ પાયાની સુવિધાઓના અભાવે આગામી ચૂંટણીનો સંપૂર્ણ બહિષ્કાર કરવાની ચીમકી ઉચ્ચારી છે..

સ્થાનિક રહીશોએ જણાવ્યું હતું કે, વિસ્તારમાં અંદાજે 150 થી વધુ ઘરો ધરાવતી આ સોસાયટીમાં વર્ષોથી પાકા રસ્તાઓ નું નિર્માણ થયું નથી. ઉબડખાબડ માર્ગો અને ઠેર-ઠેર પડેલા ખાડાઓને કારણે સ્થાનિકોની મુશ્કેલીમાં વધારો થયો છે, વધુમાં, સ્ટ્રીટ લાઈટની સુવિધા ન હોવાથી રાત્રિના સમયે અંધારપટ છવાયેલો રહે છે, જે સુરક્ષા સામે પ્રશ્નો ઉભા કરે છે..

સ્થાનિક મહિલાઓ અને વડીલોનો આક્ષેપ છે કે અનેકવાર લેખિત અને મૌખિક રજૂઆતો કરવા છતાં તંત્ર અને જનપ્રતિનિધિઓ તરફ થી માત્ર 'આશ્વાસન' જ મળ્યા છે. રહીશોએ સ્પષ્ટ જણાવ્યું કે, "જો રોડ અને લાઈટ જેવી પ્રાથમિક સુવિધાઓ નહીં મળે, તો આ વખતે એકપણ વોટનું ટપ્પુ દબાવવામાં આવશે નહીં." તેમણે મંત્રીઓને સીધી અપીલ કરી કે, વિસ્તારમાં આવી હકીકત જોવી અને સમસ્યાઓનો તાત્કાલિક ઉકેલ લાવવો..