ડીસા નગરપાલિકા માં 9 બેઠક બિનહરીફ, ભાજપના કાર્યકરોમાં ખુશી..

બનાસકાંઠા ના ડીસામાં સ્થાનિક સ્વરાજ્યની ચૂંટણી માટે ઉમેદવારી પત્રો ખેંચવાના અંતિમ દિવસે ચિત્ર સ્પષ્ટ થયું છે..

ડીસા નગરપાલિકાની 44 બેઠકો પૈકી 9 બેઠકો બિનહરીફ જાહેર થઈ છે, આ 9 બેઠકો ભાજપના ફાળે જતાં પાર્ટીને મોટી સફળતા મળી છે..

ડીસા નગરપાલિકાના ઇતિહાસમાં પ્રથમ વખત આટલી મોટી સંખ્યામાં બેઠકો બિનહરીફ થઈ છે..

હવે જિલ્લા પંચાયતની 10 બેઠકો, તાલુકા પંચાયતની 36 બેઠકો અને નગરપાલિકાની 35 બેઠકો માટે ચૂંટણી યોજાશે..

ઉમેદવારી પત્રો ખેંચવાના દિવસે ડીસાની નાયબ કલેક્ટર કચેરી, મામલતદાર કચેરી અને તાલુકા પંચાયત કચેરી ખાતે રાજકીય ગતિવિધિઓ તેજ બની હતી..

ભાજપ, કોંગ્રેસ અને આમ આદમી પાર્ટીના નેતાઓ પોતાના ઉમેદવારોને બિનહરીફ કરાવવા અથવા ફોર્મ પરત ન ખેંચવા માટે પ્રયાસો કરી રહ્યા હતા..

મોડી સાંજ સુધી ચાલેલા આ રાજકીય ઘટનાક્રમ બાદ આખરે ડીસા નગરપાલિકા માં ભાજપ ને 9 બેઠકો બિનહરીફ કરીને નોંધપાત્ર સફળતા મળી હતી..