નિવૃત્ત કર્મચારીઓ તથા તેજસ્વી છાત્રોનું સન્માન..

ડીસા પેન્શનર્સ એસો.ની વાર્ષિક સભા સાથે 24મો પેન્શન દિન..

ડીસા લાયન્સ હોલ ખાતે રવિવારે ડીસા તાલુકા પેન્શનર્સ એસોસિએશનની વર્ષ 2025-26 ની વાર્ષિક સાધારણ સભા સાથે 24મા પેન્શન દિનની ઉજવણી કરી હતી..

કાર્યક્રમની શરૂઆત અધ્યક્ષ જે.સી.દેસાઈ, બનાસકાંઠા જિલ્લા પેન્શનર્સ એસોસિએશનના પ્રમુખ એસ.એસ. વાઘેલા તથા ગુજરાત પેન્શન સમાજ અમદાવાદના પ્રમુખ જે.જી. દરજી સહિત મહાનુભાવો ના હસ્તે દીપ પ્રાગટ્યથી કરી હતી..

કાર્યક્રમ દરમિયાન ગત વર્ષે અવસાન પામેલા પૂર્વ પ્રમુખ નાગરભાઈ કે. પરમાર અને અન્ય નિવૃત્ત કર્મચારીઓને બે મિનિટનું મૌન પાળી શ્રદ્ધાંજલિ આપી હતી..

ત્યાર બાદ 27 જેટલા વયોવૃદ્ધ નિવૃત્ત કર્મચારીઓને શાલ, પુષ્પગુચ્છ અને ફૂલછડી આપી સન્માનિત કર્યા હતા. સાથે જ નિવૃત્ત કર્મચારીઓ ના પુત્ર-પુત્રી તેમજ પૌત્ર-પૌત્રીઓ માંથી તેજસ્વી વિદ્યાર્થીઓ નું વિશેષ સન્માન કરાયું હતું..

આ પ્રસંગે મહેશભાઈ ટાંક, ડો.ધરતી પ્રજાપતિ, ડો.રાજેશભાઈ જોષી, સી.જે.દરજી અને એસ.એસ.વાઘેલાએ પ્રાસંગિક પ્રવચનો આપ્યા હતા..

અંતે મંત્રી એમ.એફ.મંડોરી એ આભાર વ્યક્ત કર્યો હતો..

સભામાં સર્વાનુમતે નિવૃત્ત એસ.ડી.એમ. ધનજીભાઈ જોષી ની ડીસા તાલુકા પેન્શનર્સ એસોસિએશન ના નવા પ્રમુખ તરીકે વરણી કરી હતી, કાર્યક્રમનું સંચાલન નાથાલાલ બ્રહ્મક્ષત્રિય અને પ્રવિણભાઈ સાધુએ સફળતાપૂર્વક કર્યું હતું..