#শিৱসাগৰঃ-শিৱসাগৰৰ দৰিকাপাৰ হাউচিং কলনিৰ নিবাসী, অৱসৰপ্ৰাপ্ত শিক্ষয়িত্ৰী স্বৰ্ণ মহন্ত (৬৫) ৰ ৯ এপ্ৰিলৰ নিশা প্ৰায় ১২-৩০ বজাত জয়সাগৰস্থিত শিৱসাগৰ আসামৰিক চিকিৎসালয়ত চিকিৎসাধীন অৱস্থাত দেহাৱসান ঘটে। ৰংপুৰ সাহিত্য সভা, শিৱসাগৰ জিলা লেখিকা সমাৰোহ সমিতি, সতী ৰাধিকা মহিলা তীৰ্থৰ সদস্যাৰ লগতে বিভিন্ন অনুষ্ঠান-প্ৰতিষ্ঠানৰ লগত ওতপ্ৰোতভাৱে জড়িত মহন্তৰ মৃত্যুত দৰিকাপাৰ অঞ্চলটোৰ লগতে গুণমুগ্ধসকল শোকস্তব্ধ হৈ পৰে। শিক্ষাবিদগৰাকীৰ মৃত্যুত শিৱসাগৰ জিলা সাহিত্য সভা, ৰংপুৰ সাহিত্য সভা, শিৱসাগৰ জিলা কবি সন্মিলন, শিৱসাগৰ কবি চক্ৰ, শিৱসাগৰ জিলা সাধাৰণ জাতি সুৰক্ষা সন্মিলনৰ ভাৰপ্ৰাপ্ত সভাপতি জ্যোতিপ্ৰসাদ দত্ত, সমন্বয় সাংস্কৃতিক গোষ্ঠীৰ সভাপতি জিতেন কাকতি, বৃহত্তৰ শিৱসাগৰ প্ৰেছ ক্লাব, অসম নাট্য সন্মিলন-শিৱসাগৰ শাখাই গভীৰ শোক প্ৰকাশ কৰিছে। উল্লেখ যে, মৃত্যুৰ সময়ত তেখেতে স্বামীৰ লগতে দুই পুত্ৰ-বোৱাৰী আৰু দুই কন্যাক এৰি থৈ যায়।
