અમદાવાદ :એરપોર્ટ પર સોના-સિગરેટની તસ્કરી દુબઇથી ફ્લાઈટમાં આવેલું 1.93 કરોડનું સોનું જપ્ત

અમદાવાદ: સરદાર વલ્લભભાઈ પટેલ આંતરરાષ્ટ્રીય એરપોર્ટ પર કસ્ટમ્સની એર ઇન્ટેલિજન્સ યુનિટ (AIU) દ્વારા 24 ઓગસ્ટ, 2025ના રોજ બે મોટી કાર્યવાહી હાથ ધરવામાં આવી હતી. દુબઈથી આવતી ઈન્ડિગો ફ્લાઇટમાં આવેલી સોનાની પેસ્ટના બે પાઉચ એરપોર્ટના ટોયલેટમાંથી મળી આવ્યા, જેમાંથી શુદ્ધિકરણ બાદ રૂ. 1.93 કરોડનું સોનુ જપ્ત કરવામાં આવ્યું હતું. તે જ દિવસે બીજી કાર્યવાહી દરમિયાન કમ્બોડિયા મારફતે આવેલા બે મુસાફરો પાસેથી 52,400 સિગારેટ સ્ટિક્સ ઝડપી લેવામાં આવ્યા હતા.