રાજુલાના ચારનાળા નજીક ગોઝારો અકસ્માત સર્જાયો : બાઇક સવાર બે વ્યક્તિના ધટના સ્થળે મોત..

સોમનાથ-ભાવનગર નેશનલ હાઇવે પર ગોઝારો અકસ્માત સર્જાયો હતો. રાજુલાના ચારનાળા નજીક ફોરવ્હીલ કાર અને ટુ-વ્હીલર ધડાકાભેર અથડાતા અકસ્માતની ધટના બની હતી. અકસ્માતમાં સર્જાતા બન્ને સવાર ટુ-વ્હીલર ચાલક બ્રિજ પરથી નીચે પટકાતા કમકમાટીભર્યા મોત નિપજ્યુ હતું. આ ધટના પગલે લોકોના ટોળેટોળા એકઠા થયા હતા. તેમજ આ ધટનાની જાણ થતાં જ રાજુલા પીઆઇ વિજય કોલાદરા તેમજ પોલીસ સ્ટાફ ધટના સ્થળે દોડી ગયો હતો. ૧૦૮ મારફતે બન્ને મૃતકને રાજુલા જનરલ હોસ્પિટલ ખાતે પીએમ અર્થે ખસેડાયા હતાં. અકસ્માતમાં દિપકકુમાર ગુપતા ઉ.વ.૨૯ તથા ક્રીષ્નનંદકુવરબાગ , ઉ.વ.૨૭ નુ મોત થયુ હતું. સમગ્ર મામલે રાજુલા પોલીસે તપાસ હાથ ધરી છે.