২০০৪ চনৰ ১৫ আগষ্টত স্বাধীনতা দিৱস উদযাপনৰ সময়ত ধেমাজিৰ পেৰেড গ্ৰাউণ্ডত সংঘটিত ভয়াবহ বোমা বিস্ফোৰণত প্ৰাণ হেৰুওৱা শিশু আৰু অন্যান্য লোকসকলৰ স্মৃতিত সমগ্ৰ ৰাজ্যৰ লগতে বিশ্বনাথ জিলাৰ উপায়ুক্তৰ কাৰ্যালয়তো আজি শোক দিৱস পালন কৰা হয়। এই উপলক্ষে দিনটোৰ বাবে ৰাষ্ট্ৰীয় পতাকা অৰ্ধনমিত কৰি ৰখাৰ লগতে উগ্ৰপন্থীৰ কূটাঘাতৰ বলি হোৱাসকলৰ স্মৃতিত এক মিনিট সময় মৌন প্ৰাৰ্থনা জনায় । উপায়ুক্তৰ সন্মিলন কক্ষত পুৱা ১১ বজাত আয়োজিত এই অনুষ্ঠানত উপায়ুক্ত মুনীন্দ্ৰ নাথ ঙাটেৰ উপৰিও অতিৰিক্ত উপায়ুক্ত ড০ সুৰ্যকমল বৰা, সহকাৰী আয়ুক্ত অনন্যা লহকৰ, কোষাগাৰৰ প্ৰাধিকাৰী তপনজিৎ ডেকাৰ লগতে উপায়ুক্তৰ কাৰ্যালয়ৰ সমূহ বিষয়া-কৰ্মচাৰী উপস্থিত থাকি শোক দিৱসৰ শপত পাঠ কৰে।