শিৱসাগৰঃ তাই আহোম যুৱ-ছাত্ৰ সন্মিলন, অসমৰ বিশেষ প্ৰতিনিধি সভা এখনি অলপতে শিৱসাগৰ নগৰস্থিত জনজাতি জিৰণি চৰাত অনুষ্ঠিত হৈ যায় । প্ৰণৱ লাহনে সভাপতিত্ব কৰা সভাত উদ্দেশ্য ব্যাখ্যা কৰে তাই যুৱ-ছাত্ৰ সন্মিলনৰ কেন্দ্ৰীয় ভাৰপ্ৰাপ্ত সভাপতি স্বৰ্গদেও ৰাজকুমাৰ প্ৰতাপ সিংহই । সভাত ৰাজকুমাৰ দুৱৰাই আহোমসকলে বঞ্চিত হৈ অহা অধিকাৰ বিলাকৰ ওপৰত গভীৰভাৱে আলোকপাত কৰে ৷ যুৱ নেতা প্ৰদীপ কোঁৱৰে আহোম জনগোষ্ঠীটোক আৰু অধিক শক্তিশালী কেনেকৈ কৰিব পাৰি তাৰ ওপৰত বক্তব্য ৰাখে । আনহাতে সভাত আহোম জনগোষ্ঠীৰ এজন প্ৰভাৱশালী নেতা অমৃত চেতিয়াও উপস্থিত থাকে । উল্লেখযোগ্য যে, বহুকেইটা অতি প্ৰয়োজনীয় প্ৰস্তাৱ গ্ৰহণ কৰা উক্ত সভাত নৱ ছাংমাই, প্ৰণৱ লাহন আৰু ৰোহিণী ৰাজখোৱাক তাই আহোম যুৱ-ছাত্ৰ সন্মিলনৰ কেন্দ্ৰীয় উপ-সভাপতি হিচাপে মনোনিত কৰা হয় । লগতে একেখন সভাতেই হিমাংশু বুঢ়াগোহাঁইক সভাপতি, দিক্ষিত গগৈ আৰু দেৱজিৎ চেতিয়াক যুটীয়া সম্পাদক হিচাপে লৈ তাই আহোম যুৱ-ছাত্ৰ সন্মিলন, অসমৰ শিৱসাগৰ জিলা সমিতিখন নৱীকৰণ কৰা হয় ।৷

Sponsored

पटौदी इंटरप्राइजेज एवं अलगोजा रिसोर्ट - बूंदी

पटौदी इंटरप्राइजेज एवं अलगोजा रिसोर्ट कीऔर से बूंदी वासियों को दीपावली की हार्दिक बधाई व शुभकामनाएं