કાંકરેજના કસલપુરા ગામે યુવતી ગુરૂવારે ખેતરમાં પશુઓ માટે ઘાસચારો લેવા ગઇ હતી. ત્યારે સાપે દંશ મારતાં યુવતીનું મોત નિપજ્યું હતું.
કાંકરેજ તાલુકાના કસલપુરા ગામે યુવતીના પિતા દેવાજી ઠાકોરના જણાવ્યા અનુસાર મારી દીકરી ગુરુવારે હીનાબેન ઠાકોર ખેતરે પશુઓ માટે ચારો લેવા ગઈ હતી. ત્યારે ઢુલા નજીક ઘાસમાં પડેલા ઝેરી કાળોતરા સાપે દંશ મારતાં દીકરીને તાત્કાલિક સારવાર માટે દવાખાને લઈ જવામાં આવી હતી.
પરંતુ દવાખાને પહોંચે ત્યાં સુધીમાં સાપનું ઝેર શરીરમાં પ્રસરી જતાં સારવાર કરનાર ડોક્ટરે દીકરીને મૃત જાહેર કરી હતી. આ ઘટનાને લઇ પરિવાર સહિત ગામ લોકોમાં શોકની લાગણી છવાઈ ગઈ હતી.
