औरंगाबाद:- १५ (दीपक परेराव) "देश मेरा रंगीला".नुकतेच 'संत एकनाथ रंगमंदिरात' आंतरशालेय व महाविद्यालयीन देशभक्तीपरगीत व नृत्य स्पर्धेचे उद्घाटन अभिनेत्री अनुष्का सरकटे हीच्या प्रमुख उपस्थितीत व भगवान बाबा अनाथ बालिका आश्रम येथील मुली, ज्येष्ठ रंगकर्मी डॉ. दिलीप घारे,मा.महापौर नंदकुमार घोडेले, प्रसिद्ध गायक प्रमोद सरकटे, युवा नेते अभिजीतभैय्या देशमुख,सांस्कृतिक अधिकारी संजीव सोनार, प्रसिद्ध शाहीर सुरेश जाधव व इतर मान्यवरांच्या उपस्थितीत पार पडले.जेष्ठ रंगकर्मीं डाॅ.दिलीप घारे सर यांच्या हस्ते अनुष्काचा सत्कार करण्यात आला.शालेय मुलांचा भरभरून प्रतिसाद या स्पर्धेस मिळाला. देशभक्तीची बीजं या वयात या मुलांमध्ये ओतप्रोत भरलेली दिसली,त्यांचा जोश व उत्साह वाखाणन्याजोगा होता. हाच उद्याचा उज्ज्वल भारत आहे. स्वातंत्र्याच्या 75 व्या वर्षानिमित्त अर्थातच अमृत महोत्सव वर्षा निमित्त या कार्यक्रमाचे आयोजन करण्यात आले होते. "युवा मित्र फाउंडेशन", "लाईव्ह महाराष्ट्र", "महानगरपालिका" ,"नेहरू युवा केंद्र भारत सरकार",यांच्या वतीने आयोजित "देश मेरा रंगीला" हा कार्यक्रम...सचिन अंभोरे,देवेन करवडे,व सर्व पदाधिकारी यांनी सुरेख आयोजन केले....तीन तास चाललेल्या या कार्यक्रमास "संत एकनाथ रंगमंदिर" देशभक्तीने ओथंबून वाहत होते.