আজাদী কি অমৃত মহোৎসৱত মৰিগাঁৱত ৭৬ সংখ্যাক স্বাধীনতা দিৱসৰ ৰাষ্ট্ৰীয় পতাকা উত্তোলন কৰে উপায়ুক্ত প্ৰকাশ ৰঞ্জন ঘৰফলীয়াই। সহস্ৰাধিক ৰাইজৰ উপস্থিতিত স্থানীয় তৰুণৰাম ফুকন খেলপথাৰত পুৱা ন বজাত ৰাষ্ট্ৰীয় পতাকা উত্তোলন কৰি চৰকাৰ আৰু জিলাখনৰ উন্নয়নমুলক আচনি সন্দৰ্ভত ৰাইজক অবগত কৰে। ইয়াৰ পিছতেই আৰক্ষী বাহিনী- মৰিগাঁও,জাগীৰোড আৰু জি কে বি কলেজ - নৱোদয় বিদ্যালয়, সন্ত থেৰেচা, সংস্কৃতি বিদ্যালয় আৰু মৰিগাঁও জাতীয় বিদ্যালয়ৰ ছাত্ৰ ছাত্ৰীসকলে প্ৰদৰ্শন কৰা অভিবাদন গ্ৰহণ কৰে। প্ৰখৰ ৰদকো নেওচি আৰক্ষী আৰু ছাত্র ছাত্ৰীৰ অভিবাদনৰ পিছতেই স্থানীয় শিল্পী সকলে বিভিন্ন সাংস্কৃতিক অনুষ্ঠান প্ৰদৰ্শন কৰে