সোণাৰিৰ সমীপৰ মাইবেলাত এজন ক্ষুদ্ৰ চাহ খেতিয়কৰ বাগিচাত আজি পুৱা উদ্ধাৰ হোৱা নাহৰফুটুকী বাঘৰ মৃতদেহটো বন বিভাগে উদ্ধাৰ কৰি আনি মৰণোত্তৰ পৰীক্ষা কৰোৱায়। সোণাৰি আঞ্চলিক বন বিষয়াৰ কাৰ্যালয়ত বন বিভাগৰ উচ্চ পদস্থ বিষয়া সকলৰ উপস্থিতিত মৰণোত্তৰ পৰীক্ষা সম্পন্ন কৰাৰ পিছত বাঘটোৰ মৃতদেহটোৰ বিভাগীয় নীতি নিয়ম অনুসৰি অন্তেষ্ঠীক্ৰিয়া সম্পন্ন কৰা হয়। অৱশ্যে বাঘটোৰ মৃত্যুৰ প্ৰকৃত কাৰণ এতিয়াও নিশ্চত কৰিব পৰা হোৱা নাই।