ৰাষ্ট্ৰীয় অনুসন্ধান সংস্থা (এনআইএ)ই নিষিদ্ধ ইউনাইটেড লিবাৰেচন ফ্ৰণ্ট অৱ অসম (আলফা)ৰ দ্বাৰা চলোৱা নিযুক্তি অভিযানৰ তদন্ত তীব্ৰতৰ কৰি তুলিছে। এনআইএৰ দলসমূহে অসমৰ ডিব্ৰুগড়, চাপাখোৱা আৰু শিৱসাগৰ জিলাৰ স্থানীয় আৰক্ষীৰ সৈতে যোগাযোগ কৰিছে। অনুসন্ধানকাৰী সংস্থাটোৱে অঞ্চলটোৰ স্থানীয় লোকসকলৰ সৈতেও যোগাযোগ কৰাৰ কথা গম পোৱা গৈছে।
এনআইএৰ এজন জ্যেষ্ঠ বিষয়াই জানিবলৈ দিয়ে যে সংস্থাটোৱে এতিয়া শেহতীয়াকৈ সংগঠনটোত যোগদান কৰা যুৱকসকলৰ বিৱৰণ ল'বলৈ চেষ্টা কৰি আছে। নতুনকৈ যোগদান কৰা বহুতো যুৱকে ইতিমধ্যে ম্যানমাৰত আলফা শিবিৰত প্ৰশিক্ষণ আৰম্ভ কৰিছে।
কেন্দ্ৰীয় গৃহ মন্ত্ৰালয়ৰ নিৰ্দেশনা অনুসৰি এনআইএয়ে শেহতীয়াকৈ আলফাৰ নিযুক্তি অভিযানৰ তদন্তৰ বাবে গোচৰটো গ্ৰহণ কৰিছিল। চোৰাংচোৱা প্ৰতিবেদন অনুসৰি, অসমৰ উপৰিও, আলফাই দিল্লী আৰু এনচিআৰত কিছু যুৱক-যুৱতীক নিয়োগ কৰিছে।