হোজাইত উৎখাত হৈছে হাৱালা চক্ৰ। চক্ৰটোৰ ত্ৰিপুৰাৰ দুই যুৱক পৰিছে হোজাই আৰক্ষীৰ জালত। দুই যুৱকৰ পৰা জব্দ হৈছে 24 লাখ 50 হাজাৰ টকা। ধৃত যুৱক দুজন হৈছে ত্ৰিপুৰাৰ শ্বহিদুল ইছলাম আৰু বিল্লাল মিয়া। হোজাই থানা এলেকাৰ মুছলিম পত্তিত বিগত 6 মাহ ধৰি থাকি তেওঁলোকে হাৱালাৰ জৰিয়তে কাম কৰিছিল বুলি কৰা হৈছে সন্দেহ। ইফালে জব্দকৃত টকাৰ কোনো তথ্য দেখাব নোৱাৰাত আৰক্ষীয়ে এক গোচৰ ৰুজু কৰি দুয়োকে আজি আদালতত হাজিৰ কৰাই চাৰি দিনৰ জিম্মাত লব বুলি আৰক্ষীয়ে কৰিছে মন্তব্য।