ડીસામાં લાયન્સ ક્લબ ઓફ-ડીસા દ્વારા લાયન્સ હોલને 53 વર્ષ પૂર્ણ થતાં 54 માં વર્ષમાં મંગલ પ્રવેશ નિમિત્તે ચાર્ટર નાઇટ અને જનરલ બેઠકનું આયોજન કરાયું હતું. જેમાં ભૂતપૂર્વ પ્રમુખોનો સન્માન સમારોહ યોજાયો હતો. જેમાં પ્રમુખોને ભેટ સોગાદો આપી વિશેષ સન્માન કરાયું હતું.

જ્યારે હાસ્ય કલાકાર તરીકે ભાવેશભાઇ મિસ્ત્રી અને વર્સેટાઇલ કલાકાર શ્વેતાંબરી પટેલે તેમના મધુર વાણીથી લોકોને હસાવ્યા અને ડોલાવ્યા હતા. જ્યારે બેઠક કોલ ટુ ઓર્ડર, રાષ્ટ્રધ્વજ વંદના અને સ્વાગત પ્રવચન કરાયું હતું. જ્યારે મહાનુભાવોની ઓળખ અને ફુલ પ્રસ્તુતી અને મહાનુભાવો દ્વારા સંબોધન કરાયું હતું. જ્યારે ભોજન પ્રસાદનો લોકોએ લ્હાવો લીધો હતો.

આ પ્રસંગે પ્રમુખ સુરેશભાઇ એમ. કોઠારી, મંત્રી નિલેશભાઇ એસ. કંસારા, ખજાનચી કલ્પેશભાઇ પી. સોની, સતિષભાઇ શાહ (કોહીનુર), હીતેશભાઇ પટેલ, નરેશભાઇ શાહ, નરેન્દ્રભાઇ સોની, કેતનભાઇ ઝાલમોરા, પંકજભાઇ શાહ અને લોકો મોટી સંખ્યામાં ઉપસ્થિત રહી કાર્યક્રમને સફળ બનાવ્યો હતો. જ્યારે રાષ્ટ્રીય ગીત લોકોએ ગાયું હતું અને આભાર વિધી મંત્રી નિલેશભાઇ કંસારા દ્વારા કરાઇ હતી.