અમીરગઢ તાલુકાના જોરાપુરા પાટીયા પાસેથી ગાંધીનગર સ્ટેટ મોનીટરીંગ સેલે દારૂ ભરેલી કાર સાથે દારૂની મુખ્ય લાઈન ચલાવનારને દબોચી લીધો છે. જ્યારે દારૂની હેરાફેરીમાં સંકળાયેલા અન્ય 9 લોકોને વોન્ટેડ જાહેર કરવામાં આવ્યા છે. પોલીસે બે કાર સહિત રૂ. 12.61 લાખનો મુદ્દામાલ કબજે કરવામાં આવ્યો છે.

ગાંધીનગર સ્ટેટ મોનિટરિંગ સેલ ટીમે અમીરગઢમાંથી બાતમી હકીકતના આધારે દારૂ ભરેલી ગાડી ઝડપી પાડી છે. જેમાં SMC ગાંધીનગર ટીમ બનાસકાંઠા જિલ્લામાં પેટ્રોલિંગમાં હતી તે દરમિયાન એસએમસી ટીમના પોલીસકર્મી અબ્દુલલતીફને મળેલી બાતમી આધારે અમીરગઢના જોરાપુરા પાટિયા પાસે વોચમાં હતા તે દરમિયાન એક સ્વિફ્ટ કાર અને બીજી સીયાજ કાર રાજસ્થાન તરફથી આવતા એસએમસી ટીમને હાથ લાગતા તેને સાઈડમાં રોકાવી તપાસ કરતા એક ગાડીમાંથી દારૂ તેમજ બીજી અન્ય ગાડી પેટ્રોલિંગ કરતી હતી.

જેથી પોલીસે બંને ગાડીઓને કબજે લઈ ગાંધીનગર એસએમસી ટીમે દારૂની લાઇન ચલાવનાર મુખ્ય આરોપી મહેન્દ્રસિંહ ભગુસિંહ ડાભી રહે, વાસડા આબુરોડની અટકાયત કરી કુલ 10 ઇસમો વિરુદ્ધ અમીરગઢ પોલીસ મથકે ગુનો નોંધી 12 લાખ 61 હજાર 168 રૂપિયાનું મુદ્દામાલ કબજે લઈ આગળની તપાસ હાથ ધરી છે.

વોન્ટેડ જાહેર કરાયેલા આરોપીઓના નામ

દુર્જનસિંહ ડાભી

નિર્વણ

સંજયસિંહ

રાજુ રાઠોડ

કિરણ કાકા

કિરણનો મિત્ર

જિગ્નેશ ઠાકોર

રણવીરસિંહ

અશોક દરબાર