মোহন গাঁও আদৰ্শ অংগনবাড়ী কেন্দ্ৰ উদ্বোধন কৰিলে বিধায়ক ধৰ্মেশ্বৰ কোঁৱৰে। সোণাৰি সমষ্টিত নিৰ্মাণ কৰা এঘাৰটা আদৰ্শ অংগনবাড়ী কেন্দ্ৰৰ ভিতৰত ইতিমধ্যে ৮ টা কেন্দ্ৰ উদ্বোধন কৰা পাছত আজি আন তিনিটা উদ্বোধন কৰা হয়। চফ্ৰাই মোহনগাঁওস্থিত সিদ্ধাৰ্থ প্ৰাথমিক বিদ্যালয়ত নিৰ্মাণ কৰা মোহন গাঁও আদৰ্শ অংগনবাড়ী কেন্দ্ৰটো উদ্বোধনী অনুষ্ঠানত সোণাৰি সমষ্টিৰ বিধায়ক ধৰ্মেশ্বৰ কোঁৱৰৰ লগতে জিলা উপায়ুক্ত পল বৰুৱা, অতিৰিক্ত উপায়ুক্ত জাভেদ আৰমান, সমাজ কল্যাণ বিভাগৰ বিষয়াৰ লগতে বিশিষ্ট অতিথি সকল উপস্থিত থাকে।