પાલનપુરના ચંડીસર બ્રિજ નજીક એક યુવક ટ્રેલર નીચે આવી જતા યુવકનું ઘટના સ્થળે મોત નીપજ્યું હોવાની ઘટના સામે આવી છે. અકસ્માતના પગલે ઘટનાસ્થળે લોકોના ટોળેટોળા એકઠા થયા હતા અને ગઢ પોલીસને જાણ કરી હતી.પોલીસ તાત્કાલિક ઘટના સ્થળે પર દોડી પહોંચી આગળની તપાસ કરી છે.
બનાસકાંઠા જીલ્લામાં અકસ્માતોનો સિલસિલો યથાવત જોવા મળી રહ્યો છે. અકસ્માતના કારણે એક બાદ એક લોકો જીવ ગુમાવી રહ્યા છે. ત્યારે પાલનપુરના ચંડીસર બ્રિજ પાસે એક ટ્રેલર ચાલકે બેદરકારી દાખવતા એક યુવકને કચડ્યો છે. જેમાં ટ્રેલરના પાછળના ભાગે યુવક આવી જતા યુવક ચગદાઈ ગયો હતો અને તેનું ઘટનાસ્થળે જ મોત નીપજ્યું હતું.
આ બનાવના પગલે લોકોના ટોળેટોળા એકઠા થયા હતા. અને પોલીસને જાણ કરી હતી ગઢ પોલીસ તાત્કાલિક ઘટના સ્થળ પર દોડી પહોંચી યુવકના મૃતદેહને પી.એમ. અર્થે ચંડીસર સિવિલ હોસ્પિટલ ખાતે ખસેડી આગળની તપાસ કરી છે.
