মুক্তিযুঁজাৰু গন্দেশ্বৰ ৰাজকোঁৱৰক সম্বৰ্ধনা মথুৰাপুৰ ৱেলফেয়াৰ চ'ছাইটিৰ।

মথুৰাপুৰ কোঁৱৰ গাঁও নিবাসী বৰ্ষীয়ান মুক্তিযোদ্ধা গন্দেশ্বৰ ৰাজকোঁৱৰক সম্বৰ্ধনা জ্ঞাপন কৰিলে মথুৰাপুৰ চচিয়েল ৱেলফেয়াৰ চ'ছাইটিৰ তৰফৰপৰা ৷ উল্লেখযোগ্য যে ৯৭ বছৰীয়া স্বাধীনতা সেনানী গৰাকীক স্বেচ্ছাসেৱী অনুষ্ঠানটোৰ কৰ্মকৰ্তাই আজি তেওঁৰ বাসগৃহ উপস্থিত হৈ মত বিনিময় কৰি স্বাধীনতা দিৱসৰ প্ৰাক্ ক্ষণত এখন ফুলাম গামোচা, চেলেং চাদৰ, ৰাষ্ট্ৰীয় পতাকা, ফলমূলৰ টোপোলা আৰু এটা গছপুলি আগবঢ়াই সম্বৰ্ধনা জনায় ৷ এই কাৰ্যসূচীত গ্ৰুপ’টোৰ উপদেষ্টা জুৱেদ আলি, ৰাধু চৌধুৰী সদস্য ক্ৰমে প্ৰণৱ বৰগোহাঁই, বাসুদেৱ কুমাৰ, ৰঘু ৰাজকোঁৱৰ আৰু সমাজকৰ্মী অতুল ৰাজকোঁৱৰ উপস্থিত থাকে ৷