પાલનપુર ના એરોમા સર્કલ નજીક મારામારી થતા લોકોમાં દોડધામ મચી, તોડફોડ કરનાર શખ્સને પોલીસે ઝડપી પાડ્યો..

પાલનપુર એરોમા સર્કલ નજીક ખુલ્લેઆમ મારામારીની ઘટના સામે આવી છે. રીક્ષા ચાલક અને અન્ય વ્યક્તિ વચ્ચે મારામારી થતા રોડ પર અફરાતફરી સર્જાઈ હતી. એરોમાં સર્કલ પાસે જ પોલીસ પોઇન્ટ હોવાથી પોલીસ તાત્કાલિક ઘટના સ્થળ પર પહોંચી બંને લોકોને અટક કરી પશ્ચિમ પોલીસ મથકે લઈ જવાયા હતા. મારામારીની ઘટના સીસીટીવીમાં કેદ થઈ હતી.

બનાસકાંઠા જિલ્લાના મુખ્ય મથક પાલનપુર શહેરમાં મારામારીની ઘટના સામે આવી છે. જેમાં રીક્ષા ચાલક અને અન્ય વ્યક્તિ વચ્ચે એરોમા સર્કલ પર મારામારી થતા રોડ ઉપરથી પસાર થઈ રહેલા લોકોમાં ભય જોવા મળ્યો હતો. એરોમા ટ્રાફિક પોલીસની ચોકી આગળ જ અજાણ્યા ઇસમેં તોડફોડ કરતા અફરાતફરી મચી જવા પામી હતી. પાલનપુર પશ્ચિમ પોલીસે તોડફોડ કરનાર શખ્સને ઝડપી પાડી પોલીસ મથકે લઈ ગઈ હતી. મારામારીની ઘટના સીસીટીવીમાં કેદ થઈ હતી.