‘আজাদী কা অমৃত মহোৎসৱ’ কাৰ্যসূচীৰে গৌৰৱোজ্বল ৭৬ সংখ্যক স্বাধীনতা দিৱসটি সমগ্ৰ দেশে এইবাৰ পালন কৰিছে৷ দেশে স্বাধীনতা লাভ কৰা ৭৫ বছৰ সম্পুৰ্ণ হোৱাৰ উপলক্ষে কেন্দ্ৰীয় চৰকাৰৰ পৰিকল্পনা অনুসৰি অনুষ্ঠিত কৰা আজাদি কা অমৃত মহোৎসৱৰ অন্যতম কাৰ্যসূচীৰ হিচাপে ‘ঘৰে ঘৰে জাতীয় পতাকা’ শীৰ্ষক কাৰ্যসূচী ৰূপায়নৰ বাবে দেশৰ প্ৰধানমন্ত্ৰী আৰু অসমৰ মুখ্যমন্ত্ৰী ড০ হিমন্ত বিশ্ব শৰ্মাই জনোৱা আহ্বানৰ প্ৰতি সহাঁৰি জনাই ইতিমধ্যে ৰাজ্যৰ বিভিন্ন চৰকাৰী, বে-চৰকাৰী অনুষ্ঠান প্ৰতিষ্ঠানে জনসাধাৰণৰ মাজত জাতীয় পতাকা বিতৰণ, শোভাযাত্ৰা, সজাগতা আদি কাৰ্যসূচী ৰূপায়ন কৰা পৰিলক্ষিত হৈছে৷ ইফালে বিভিন্ন অনুষ্ঠান-প্ৰতিষ্ঠান সমূহৰ সমান্তৰালকৈ ৭৬ সংখ্যক স্বীধানতা দিৱসৰ প্ৰাকক্ষণত মাজুলীৰ শিক্ষানুষ্ঠানসমূহেও আজাদি কা অমৃত মহোৎসৱৰ কাৰ্যসূচী ৰূপায়ন কৰিছে৷ সেই উপলক্ষে উজনি মাজুলী খেৰকটীয়া মহাবিদ্যালয়, জোনাকী ছমহীয়া আটী আদৰ্শ উচ্চতৰ মাধ্যমিক বিদ্যালয়, বৰবিল হাইস্কুল, ৰতনপুৰ মিৰি বালিকা উচ্চ মাধ্যমিক বিদ্যালয়, নেহৰু স্মৃতি প্ৰাথমিক বিদ্যালয়, ৯৮ নং মৰিসূতি প্ৰাথমিক বিদ্যালয়, ফুটচাং প্ৰাথমিক বিদ্যালয়, মলং প্ৰাথমিক বিদ্যালয়, মিলনজ্যোতি প্ৰাথমিক বিদ্যালয়, পানীখাতী প্ৰাথমিক বিদ্যালয়কে আদি কৰি অঞ্চলটোৰ সকলো বিদ্যালয়তে প্ৰভাত ফেৰী, শোভাযাত্ৰাৰ লগতে কিছু কিছু বিদ্যালয়ত ছাত্ৰ-ছাত্ৰী সকলৰ মাজত বিভিন্ন ধৰণৰ প্ৰতিযোগিতাৰ অনুষ্ঠিত কৰাৰো খবৰ পোৱা গৈছে৷
महावीर कुल्फी सेन्टर की और से बूंदी वासियों को दीपावली की हार्दिक बधाई व शुभकामनाएं
