সুৰীয়া কৰ্ম যাত্ৰা । কেৱল কন্ঠশিল্পী হিচাপে নহয়, কৃষিকৰ্মৰ জৰিয়তেও পৰিচিত হৈ পৰিছে টিংখাং সমষ্টিৰ নলনী কপহুৱাৰ ত্ৰিদিপ গগৈ । ইতিমধ্যে বিভিন্ন মঞ্চত গীত পৰিবেশন কৰি জনপ্ৰিয়তা অৰ্জন কৰা ত্ৰিদিৱ গগৈয়ে ৪ জন সতীৰ্থৰ সৈতে কেন্দুগুৰিৰ দিহিং এৰাসুঁতিৰ পাৰত কৃষিকৰ্ম কৰি স্বাৱলম্বীতাৰ বাট দেখুৱাইছে । প্ৰায় ৪০ বিঘা ভূমিত আলু, ভেণ্ডি, লাও, মটৰ, ধনিয়া ইত্যাদি কৰি যথেষ্ট উপাৰ্জন কৰিবলৈ সক্ষম হৈছে । বৰ্তমানেও বাৰীৰ পৰা বিক্ৰি কৰা হৈছে ভেণ্ডি আৰু জাতি লাও । ইফালে কামৰ মাজতে সুন্দৰ কন্ঠৰ অধিকাৰী ত্ৰিদিৱে গাই গৈছে এটি এটিকৈ গীত । যেন, বাৰীখনেই সংগীতৰ আখৰাস্থলী । উপাৰ্জনৰ বাবে বহিঃৰাজ্যলৈ নিবনুৱা যুৱকসকল ঢাপলি মেলাৰ সময়তে কন্ঠশিল্পী ত্ৰিদিৱ গগৈয়ে কৃষিকৰ্মৰ জৰিয়তে দেখুৱাইছে উৎকৃষ্ট নিদৰ্শন ।