অইল ইণ্ডিয়া লিমিটেডৰ গুৰুত্বপূৰ্ণ বিভাগ সমূহ স্থানান্তৰ কৰাৰ প্ৰতিবাদ আৰু ঠিকাদাৰ সকলে সন্মূখীন হৈ থকা বিভিন্ন সমস্যাৰ প্ৰতিবাদত মৰাণ অইলত অসহযোগ আন্দোলন অব্যাহত অইল ঠিকাদাৰ সন্থাৰ । মৰাণ অইলৰ মূল প্ৰৱেশদ্বাৰৰ সন্মুখত প্ৰতিবাদী কাৰ্যসূচী ৰূপায়ণ কৰে অইলৰ ঠিকাদাৰ সন্থাই ৷ ডিব্ৰুগড় জিলাৰ দুলীয়াজানত থকা মুখ্য কাৰ্যালৰ পৰা অইল ইণ্ডিয়া লিমিটেডৰ সকলো কাম-কাজ পৰিচালিত হৈ আহিছে ৷ কিন্তু, শেহতীয়াকৈ দুলীয়াজান মুখ্য কাৰ্যালয়ৰ পৰা চাৰিটাকৈ গুৰুত্বপূৰ্ণ বিভাগ ক্ৰমে গাণনিক, মানৱ সম্পদ নিয়োগ, মানৱ সম্পদ উন্নয়ন, ঠিকা আৰু ক্ৰয় বিভাগ স্থানান্তৰ কৰিবলৈ বিচাৰিছে । সেয়েহে প্ৰতিবাদ সাব্যস্ত কৰিছে অইল ঠিকাদাৰ সন্থাই । আনহাতে, অইল কর্তৃপক্ষই চক্রান্তমূলকভাৱে “অইলৰ পঞ্জীয়নভূক্ত ঠিকাদাৰ সকলক আতৰাবলৈ বিচাৰিছে । Miscellaneous আৰু Maintenance ৰ কাম ক্ৰমান্বয়ে কমাই কমাই আনি একেবাৰে বন্ধ কৰাৰ প্ৰক্ৰিয়া চলাই আহিছে । সেয়েহে শনিবাৰৰ পৰা অনিৰ্দিষ্ট কাললৈ অসহযোগ পালন কৰিছে মৰাণ অইল ঠিকাদাৰ সন্থাই ।