আজি ৰঙালীৰ গৰু বিহু সমস্ত ৰাজ্যৰ লগতে বৃহতৰ ৰহা,চাপৰমুখ উল্লহ মালহেৰে গৰু বিহু পালন কৰা হয়।
আজি গৰু বিহু উপলক্ষে পূবাই কৃষক ৰাইজে নিজৰ নিজৰ গো ধনক মাহ হালধি লগাই কলং নদীত গা ধুবাই শ্ৰী বৃদ্ধি কামনা কৰাৰ লগতে পৰিয়ালৰ লগতে দেশৰ মংগল কামনা কৰে আৰু ডেকা গাভৰুবে ঢোলৰ তালে বিহু গীত নৃত্য পৰিবেশন কৰি সমস্ত ক্ষেত্ৰ বিহু গীতৰে মুখৰিত কৰাৰ লগতে আজি ৰঙালী বিহু উপলক্ষে সদৌ অসম ছাত্ৰ সন্থা ৰ ৰহা আঞ্চলিক সমিতিৰ এক প্ৰতিনিধি দল ৰহাৰ বিভিন্ন প্ৰান্তৰ জ্যেষ্ঠ নাগৰিকৰ ঘৰে ঘৰে গৈ এখন এখন ফুলাম গামোচাৰে সম্বৰ্ধনা জনাই বিহুৰ ওলগ জনাই আশীৰ্বাদ ললে।
অনুষ্ঠানত সদৌ নগাঁও জিলা ছাত্ৰ সন্থা ৰ উপদেষ্টা মৃদুল হাজৰিকা, উপ সভাপতি সঞ্জয় কুমাৰ কাকতি, ৰহা আঞ্চলিক ছাত্ৰ সন্থা ৰ সাধাৰণ সম্পাদক ভাৰত বৰুৱা,ৰহা টাউন শাখা ছাত্ৰ সন্থা ৰ সম্পাদক মৃগাংক বৰা, ৰহা মহাবিদ্যালয় আছু গোটৰ সভাপতি প্ৰজ্ঞান গোস্বামী, মনোজ কুমাৰ বৰা সহ সদস্য সকল উপস্থিত থাকে।
