ডিব্ৰুগড় জিলা উপায়ুক্ত কাৰ্যালয়ত প্ৰশাসনে মুকলি কৰিলে ছেলফি পইন্ট। দেশৰ ৭৫ সংখ্যক স্বাধীনতা দিৱসৰ উপলক্ষে সমগ্ৰ দেশজুৰি পালন কৰা 'আজাদী কা অমৃত মহোৎসৱ' আৰু 'হৰ ঘৰ ত্ৰিৰংগা' কাৰ্যসূচীৰ লগত সংগতি ৰাখি ডিব্ৰুগড় জিলা প্ৰশাসন উপায়ুক্ত কাৰ্যালয়ত স্থাপন কৰা ছেলফি পইন্টত নিজকে কেমেৰাত আৱদ্ধ কৰিলে জিলা উপায়ুক্ত বিশ্বজিত পেগুৱে।
এক আকৰ্ষণীয় ৰূপত নিৰ্মাণ কৰা ছেলফি পইন্টে সৌন্দৰ্যবৰ্ধন কৰিছে জিলা উপায়ুক্ত কাৰ্যালয়ৰ চৌপাশ।
ইফালে ১৩ আগষ্টৰ পৰা পালন কৰিবলগীয়া 'হৰ ঘৰ ত্ৰিৰংগা' কাৰ্যসূচী ডিব্ৰুগড় জিলাত সাফল্যমণ্ডিত কৰাৰ উদ্দেশ্যে নিজ নিজ অনুষ্ঠান-প্ৰতিষ্ঠানত ত্ৰিৰংগা পতাকা শ্ৰদ্ধাৰে উত্তোলন কৰিবলৈ আহ্বান জনাইছে ডিব্ৰুগড় জিলা উপায়ুক্ত বিশ্বজিৎ পেগুৱে।
