শিৱসাগৰঃ শিৱসাগৰত উপস্থিত হয় ৰাজ্যৰ মুখ্য নিৰ্বাচনী বিষয়া অনুৰাগ গ’য়েল ৷ ৰাজ্যৰ মুখ্য নিৰ্বাচনী বিষয়া অনুৰাগ গ’য়েলে ১৪- শিৱসাগৰ নিৰ্বাচনী জিলা ভ্ৰমণ কৰি আগন্তুক লোকসভা নিৰ্বাচনৰ প্ৰস্তুতিৰ বুজ লয়। শিৱসাগৰত তেখেতে শিৱসাগৰ চৰকাৰী বহুমুখী উচ্চতৰ মাধ্যমিক বিদ্যালয়ত নিৰ্মাণ কৰা ষ্ট্ৰং ৰূমৰ নিৰ্মাণ আৰু নিৰাপত্তাৰ সবিশেষ বুজ লয়। ইয়াৰ পাছতেই তেখেতে জিলা আয়ুক্তৰ কাৰ্য্যালয়ত আয়ুক্ত আদিত্য বিক্ৰম যাদৱ প্ৰমুখ্যে কোষসমূহৰ দ্বায়িত্বত থকা বিষয়া, অতিৰিক্ত আয়ুক্তসকল,অতিৰিক্ত আয়ুক্তসকল, আৰক্ষী অধীক্ষক শুভ্ৰজ্যোতি বৰা, শিৱসাগৰ জিলা নিৰ্বাচনী বিষয়া সুগত গোস্বামী আৰু অন্যান্য বিষয়াসকলৰ লগত নিৰ্বাচনৰ গুৰুত্বপূৰ্ণ বিষয়সমূহ আলোচনা কৰে। উল্লেখ যে, তেখেতে স্বচ্ছ আৰু নিকা নিৰ্বাচন সম্পন্ন কৰিবলৈ সকলোকে প্ৰচেষ্টা কৰাৰ হকে আহ্বান জনায় ৷৷
