দেশ তথা ৰাজ্যত আজাদি কা অমৃত মহোৎসৱ পালন কৰি থকাৰ সমান্তৰালভাৱে তামুলপুৰতো হৰ ঘৰ তিৰংগা কাৰ্যসূচী পালন কৰি থকা হৈছে। সমান্তৰাল ভাবে নাগ্ৰিজুলিৰ কোম্পানীবাৰীতো একল অভিযানৰ উদ্যোগত ছাত্ৰ-ছাত্ৰী তথা স্থানীয় লোকৰ সহযোগত এক শোভাযাত্ৰা উলিওৱা হয়।দেশ ভক্তি গীতেৰে আৰম্ভ হোৱা  শোভাযাত্ৰাত হৰ ঘৰ তিৰংগা,বন্দে মাতৰম আদি শ্লোগানেৰে দুই কিলোমিটাৰ শোভাযাত্ৰাৰ অন্তত জয়পুৰ একল বিদ্যালয় গ্ৰামত সমাপ্ত কৰি বন্তি প্ৰজ্বলন কৰি পতাকা উত্তোলন কৰা হয়। কাৰ্যসূচীত একল অভিযানৰ নাগ্ৰিজুলিৰ স্বঞ্চ প্ৰমুখ জয়মতি নমঃশৰ্মা, বাক্সা জিলাৰ অভিযান প্ৰমুখ দিলীপ শুনাৰ লগতে স্থানীয় ভিচিডিচিৰ অধ্যক্ষ তথা সমাজ কর্মী সকল উপস্থিত থাকে।