স্বাধীনতাৰ ৭৫ বছৰ পুৰ্তি তথা আজাদী কা অমৃত মহোৎসৱ' ৰ অংগ হিচাপে "হৰ ঘৰ ত্ৰিৰংগা" কাৰ্যসুচী সফল ৰূপায়ন কৰাৰ উদ্দেশ্যে এতিয়া চাৰিও ফালে সচেতনতা ৰেলি৷ ১৩ আগষ্টৰ পৰা ১৫ আগষ্ট লৈ প্ৰতি ঘৰতে ত্ৰিৰংগা পতাকা উৰুৱাবলৈ ৰাইজক সজাগ কৰিবলৈ এতিয়া চাৰিও ফালে সজাগতা ৰেলি৷ পুৱাই বন্দে মাতৰম,ভাৰত মাতা কি জয় ধ্বনীৰে প্ৰতিধ্বনিত হল চাৰিদুৱাৰৰ আকাশ বতাহ । চাৰিদুৱাৰস্থীত ৩০ নং বেটেলিয়নৰ সহযোগত বৃহত্তৰ অঞ্চলটোৰ একমাত্ৰ উচ্চ শিক্ষাৰ প্ৰতিষ্ঠান নেভিল উচ্চতৰ মাধ্যমিক বিদ্যালয়ৰ শিক্ষক আৰু ছাত্ৰ ছাত্ৰী সকলৰ উদ্যোগত পুৱাই প্ৰভাত ফেৰী সমদল বাহিৰ কৰে। বিদ্যালয়খনৰ সহস্ৰাধিক ছাত্ৰ ছাত্ৰী শিক্ষক সমাজ আৰু অৰ্ধ সামৰিক জোৱানসকলে অংশগ্ৰহন কৰা এই ৰেলী প্ৰায় ৫ কি.মি অঞ্চল পৰিভ্ৰমন কৰি অঞ্চল ৰাইজক ১৩ ৰ পৰা১৫ আগষ্টলৈ প্ৰতিঘৰতে দেশৰ গৌৰৱজ্বল ইতিহাসৰ সাক্ষী সকলি ত্ৰিৰংগা উৰুৱাবলৈ আহ্বান জনায়।