પેટલાદના મરિયમપુરા ખાતે આવેલ આરોગ્ય માતા દેવાલયે રવિવારે મહિલા દિનની ઉજવણી કરવામાં આવી હતી. આ સમયે મુખ્ય વક્તા તરીકે ડોક્ટર પ્રીતિબેન રાઠોડ અને શૈલેષ રાઠોડ ઉપસ્થિત રહ્યા હતા. દીપ પ્રાગટ્યથી કાર્યક્રમની શરૂઆત કરવામાં આવી હતી અને મહિલાઓએ સ્વાગત ગીત રજૂ કર્યો હતો. યોજાયેલા કાર્યક્રમમાં પેટલાદ, આંકલાવ, તારાપુર,ખંભાત સહિત વિવિધ તાલુકામાંથી મોટી સંખ્યામાં મહિલાઓ ઉપસ્થિત રહ્યા હતા. કાર્યક્રમમાં પ્રીતિબેન રાઠોડે સરળ શૈલીમાં વક્તવ્ય રજૂ કર્યું હતું. યોજાયેલા કાર્યક્રમમાં ફાધર અંતોન અપ્પા ઉપસ્થિત રહ્યા હતા. આરોગ્યદાયીમાતા મંડળના મહિલા હોદ્દેદારો પ્રમુખ આજ્ઞેશબેન,ઉપપ્રમુખ કોકીલાબેન,સેક્રેટરી જ્યોતિબેન સાથે મહિલાઓ ઉપસ્થિત રહ્યા હતા.