ગુજરાત માધ્યમિક ઉચ્ચતર માધ્યમિક શિક્ષણ બોર્ડ દ્વારા આયોજિત ધોરણ 10 અને 12 ની પરીક્ષા યજ્ઞનો આજે શુભારંભ થયો સંત શ્રી નથુરામ બાપા જ્યોતિ વિદ્યાલય ખેડબ્રહ્મા મુકામે સૌ બાળકોને કુમકુમ તિલક કરી અને પ્રસાદ આપી મીઠું મોઢું કરાવીને પ્રવેશ અપાયો હતો. કુલ 20 બ્લોકમાં 600 દિકરા દીકરીઓને શાંતિપૂર્વક પરીક્ષા આપે તે માટે આશીર્વાદ આપવામાં આવ્યા હતા. શાળાના આચાર્ય શ્રી સુરેશકુમાર એસ પટેલે બાળકોને કે અગવડતા ન પડે એ માટે દરેક બ્લોક આગળ પીવાના પાણીની વ્યવસ્થા અને મેડિકલ ની ટીમને સ્ટેન્ડ બાય રાખવામાં આવેલ છે.

સંવાહક શ્રી હિતેશ રાવલ પણ આ યજ્ઞમાં જોડાયા છે. ચાલુ વર્ષથી આનંદના સમાચાર તરીકે ખેડબ્રહ્મા તાલુકાનું ધોરણ 12 સાયન્સનું પરીક્ષા સેન્ટર પણ જ્યોતિ વિદ્યાલય ને ફાળવવામાં આવેલ છે. જે બદલ ખેડબ્રહ્મા તાલુકાના વિજ્ઞાન પ્રવાહના દીકરા દીકરીઓને વડાલી કે ઈડર ની જગ્યાએ હવે ખેડબ્રહ્મા ખાતે જ પરીક્ષા આપી રહ્યા છે. જ્યોતિ વિદ્યાલય નો સમગ્ર સ્ટાફ પણ આ પરીક્ષા યજ્ઞમાં જોડાયેલ છે.