ચોટીલા નગરપાલિકા દ્વારા ચોટીલા શહેરમાં થાનગઢ ત્રણ રસ્તાથી જલારામ ત્રણ રસ્તા સુધીના રસ્તાનું હાલમાં આર.સી.સી.નું કામ ચાલુ છે. આથી આ રોડનું કામ પૂર્ણ ન થાય ત્યાં સુધી ભારે વાહનોને પસાર થવા પર અધિક જિલ્લા મેજિસ્ટ્રેટ દ્વારા વિવિધ પ્રતિબંધો ફરમાવતું જાહેરનામું પ્રસિદ્ધ કરવામાં આવ્યું છે.આ જાહેરનામામાં જણાવ્યા પ્રમાણે, થાનગઢ ત્રણ રસ્તાથી જલારામ ત્રણ રસ્તા સુધીના રોડનું આર.સી.સી. કામ પૂર્ણ ન થાય ત્યાં સુધી ભારે વાહનો પર પ્રતિબંધ મૂકવામાં આવ્યો છે. ભારે વાહનોએ થાનગઢ ત્રણ રસ્તાથી કનૈયા હોટલ (મામલતદાર કચેરી)ની બાજુમાંથી પસાર થવાનું રહેશે.આ જાહેરનામનો ભંગ, ઉપેક્ષા કે અવરોધ કરનાર વિરોધ ગુજરાત પોલીસ અધિનિયમ 1951ની કલમ-135 હેઠળ શિક્ષાને પાત્ર થશે.