પાલનપુર-અંબાજી હાઇવે ઉપર ધનપુરાના પાટીયા પાસે બાઇક ટ્રેકટરની ટ્રોલી પાછળ ઘૂસી ગયું હતુ. જેમાં બે સગાભાઇના મોત થયા હતા. દાંતા તાલુકાના હેડો ગામના કાળાભાઇ રેમાભાઇ અંગારી (ઉ.વ.45) અને હીંગાભાઇ રેમાભાઇ અંગારી (ઉ.વ.40) પાલનપુર તાલુકાના ગઢ (મ) ગામે ખેતરમાં મજુરી કરતા હતા. જેઓ બુધવારે વતન હેડો ગામે બેસણામાં આવ્યા હતા. અને સાંજના સુમારે બાઇક નં. જીજે. 08. એ.બી. 5074 લઇ ગઢ (મ) જવા નીકળ્યા હતા. જેઓ પાલનપુર હાઇવે ઉપર પસાર થઇ રહ્યા હતા.

ત્યારે જલોત્રાથી આગળ ધનપુરાના પાટિયા પાસે આગળ જતાં ટ્રોલી સાથેના ટ્રેકટર ચાલકે અચાનક બ્રેક મારતાં બાઇક ટ્રેઇલર પાછળ ઘૂસી ગયું હતુ. જેમાં ગંભીર ઇજા થતાં બંને ભાઇઓનું ઘટનાસ્થળે મોત થયું હતુ. મૃતકના ભાઇ મોનાભાઇ અંગારીએ અજાણ્યા ટ્રેકટર ચાલક સામે ફરિયાદ નોંધાવી હતી.