વિશ્વ હિન્દુ પરિષદ અને બજરંગ દળે આજરોજ ગોધરા શહેરમાં દાહોદ રોડ ઉપર આવેલ સિલ્વર સ્ક્રીન મલ્ટીપ્લેકસ સિનેમા હોલમાં રિલીઝ થયેલી ફિલ્મ લાલસિંઘ ચઢ્ઢા ફિલ્મના પોસ્ટર પર બોયકોટ લખી વિરોધ કરવામાં આવ્યો હતો. વિશ્વ હિન્દુ પરિષદ અને બજરંગ દળ દ્વારા આમીર ખાનની નવી ફિલ્મ લાલસિંઘ ચઢ્ઢા વિરોધ પ્રદર્શન કરી સૂત્રોચ્ચાર કરવામાં આવ્યો હતો. બોલીવુડના અભિનેતા આમીર ખાનની ફિલ્મ લાલસિંહ ચડ્ડાનો સોશિયલ મિડીયા પર પુર જોશમાં વિરોધ થઈ રહ્યો છે.અને આ ફિલ્મને બાયકોટ કરવાનું કહેવામાં આવી રહયુ છે ત્યારે ગુજરાતમાં પણ તેનો વિરોધ જોવા મળી રહ્યો છે. પંચમહાલ જિલ્લાના વડું મથક ગોધરા ખાતે આજે હિન્દુવાદી સંગઠનના નેતાઓ દ્વારા વિરોધ નોંધાવ્યો હતો. જેમા કેટલાક સંગઠનના કાર્યકરો દ્વારા ગોધરા શહેરમાં આવેલા સિનેમાઘરોની બહાર ફિલ્મ લાલસિંહ ચડ્ડાના લગાવેલા પોસ્ટર પર કાળા અક્ષરે બાયકોટ લખીને વિરોધ દર્શાવ્યો હતો. કાર્યકરોએ જણાવયું હતુ કે, હિન્દુ દેવી દેવતાઓનુ અપમાન કરનાર અને રાષ્ટ્રવિરોધી વિચારધારા ધરાવનાર આમીરખાનનો અમે વિરોધ કરીએ છે.