પાટડી તાલુકાના ગેડીયા ગામનો શખ્સ દેશી મજરલોડ બંદૂક સાથે ઝડપાયો હતો. સુરેન્દ્રનગર એસઓજીની ટીમે આ શખશને ગેડીયા કરેલાના જૂના માર્ગે માલ તળાવની બાજુના ખાબરીયા તળાવની બાજુમાંથી બંદૂક સાથે રંગે હાથ ઝડપી પાડ્યો હતો.સુરેન્દ્રનગર એસઓજી પીઆઇ અને પીએસઆઇ વી.ઓ.વાળા, અનિરુદ્ધસિંહ ઝાલા, ચેહરભાઈ, મહાવીરસિંહ સહિતનો પોલીસ સ્ટાફ બજાણા પોલીસ સ્ટેશન વિસ્તારમાં ખાનગી વાહનમાં પેટ્રોલિંગમા હતો, ત્યારે મળેલી ખાનગી બાતમીના આધારે ગેડીયા ગામના 50 વર્ષના ઇદરીશખાન હાજીખાન મલેકને રૂ. 5,000ની કિંમતની દેશી મજરલોડ બંદૂક સાથે ઝડપી પાડ્યો હતો. સુરેન્દ્રનગર એસઓજીની ટીમે આ શખશને ગેડીયા કરેલાના જૂના માર્ગે માલ તળાવની બાજુના ખાબરીયા તળાવની બાજુમાંથી ગેરકાયદેસર લાયસન્સ વગરની બંદૂક સાથે રંગે હાથ ઝડપી પાડ્યો હતો. આ કેસની વધુ તપાસ સુરેન્દ્રનગર એસઓજી પીએસઆઇ વી.ઓ.વાળા ચલાવી રહ્યાં છે.