નાની મોલડી પોલીસ સ્ટેશન પોલીસ સ્ટાફ આણંદપુર બીટ વિસ્તારમાં પેટ્રોલિંગમાં હતા. તે દરમિયાન બાતમી મળતા ઢોકળવા ગામની ઘડુલા વિસ્તાર તરીકે ઓળખાતી સીમમાં ગેલાભાઈ કાનાભાઈ મકવાણા વાડીના શેઢા પર રેડ કરી હતી. ત્યાંથી ઢોકળવા ગામના પ્રવીણભાઈ કાનાભાઈ બથવાર, રાયધનભાઈ કમાભાઈ સાકરીયા, ચંદ્રેશભાઇ ધીરુભાઈ મકવાણા, જયંતીભાઈ કમાભાઈ સાકરીયાને જુગાર રમતા પોલીસ સ્ટાફને જોઈ ભાગવા જતા પકડી પાડયા હતા. આ શખસોની તપાસ કરતા તેમની પાસેથી રૂપિયા 11,880 રોકડા મુદ્દામાલ જપ્ત કરવામાં આવ્યો હતો. અને ચારેય શખસો વિરૂદ્ધ જુગારધારા હેઠળ ફરીયાદ દાખલ કરવામાં આવી હતી.