ધરમપુર તાલુકામાં ધામણી ગામ પાસે પસાર થતી નાર નદીમાં તટ વિસ્તારમાં આવેલી ખેતીલાયક જમીનમાં પિયત પાણી ખેંચવા માટે મૂકેલી મોટરના વાયર ચોરી થતા ખેડૂતોએ નદીના તટ વિસ્તારમાં પેટ્રોલિંગ હાથ ધર્યું હતું. જે દરમિયાન નદીના તટ વિસ્તારમાં ચેક કરતા ચાર શંકાસ્પદ ઈસમોની ચહલપહેલ જોવા મળી હતી.ખેડૂતોએ તાત્કાલિક ઈસમો પાસે પહોંચવાનો પ્રયાસ કર્યો હતો. શંકાસ્પદોને કોર્ડન કરવાનો પ્રયાસ કરતા ચાર પૈકી બે ઈસમો ભાગી છૂટ્યા હતા. જ્યારે ઝડપાયેલા 2 ઈસમો પાસેથી કુલ 310 મીટર થ્રી ફેઝ વાયરનો જથ્થો મળી આવ્યો હતો.બનાવની જાણ ધરમપુર પોલીસની ટીમને થતા ધરમપુર પોલીસે તાત્કાલિક ઘટના સ્થળે પહોંચી ઝડપાયેલા બંને યુવકોનો કબજો મેળવી કેસમાં સંડોવાયેલા બે ઈસમને વોન્ટેડ જાહેર કરી આગળની વધુ તપાસ હાથ ધરી છે.