ৰহা সৰাগাঁও নিবাসী,বিশিষ্ট লেখক,কবি,প্ৰবন্ধকাৰ,শিক্ষক লক্ষী প্ৰসাদ ডেকা ক আজি ৰূপান্তৰৰ প্ৰবন্ধ ৰত্ন বঁটা প্ৰদান কৰা হয়।
বৰ্ষ ২০১১ত স্থাপিত সাহিত্য, সাংস্কৃতিক মঞ্চ ৰুপান্তৰৰ উদ্যোগত আজি নগাঁও স্থিত সাহিত্য সভা ভবনত বিশিষ্ট শিক্ষাবিদ,লেখক ভাৰত চন্দ্ৰ নাথৰ সভাপতিত্বত আৰু ৰূপান্তৰৰ সম্পাদক গৌৰাংগ বৰাই আঁত ধৰা বঁটা বিতৰনী অনুষ্ঠান ত সাহিত্য, সাংস্কৃতিক জগতত অবদান আগবঢ়োৱা বিশিষ্ট কবি, সাহিত্যিক, লেখকক অলকা বুজৰবৰুবা,টুটুন মানৱ আৰু যোগান্ত দাসক সাহিত্য ৰত্ন বঁটা প্ৰদান কৰাৰ লগতে ৰহা ৰ বিশিষ্ট লেখক,কবি,প্ৰবন্ধকাৰ লক্ষী প্ৰসাদ ডেকা ক প্ৰবন্ধ ৰত্ন বঁটা প্ৰদান কৰা হয়।
বঁটাত এখনকৈ ফুলাম গামোচা,সম্বৰ্ধনা পত্ৰ,মোমেন্টো আৰু গ্ৰন্থ প্ৰদান কৰা হয়।
অনুষ্ঠানত লেখক পাপুল বৰা,কলংপাৰ বাতৰি কাকতৰ সম্পাদক ভৱেন বৰা,ভীস্মদূৰ্লভ বৰা,বিশিষ্ট শিক্ষাবিদ স্পনা দেবী,ৰহা আঞ্চলিক সাংবাদিক সন্থাৰ সভাপতি দীপক কুমাৰ শৰ্মা,ৰহা আঞ্চলিক ছাত্ৰ সন্থা ৰ সভাপতি সঞ্জয় কুমাৰ কাকতি সহ বহু সাহিত্যিক, কবি,প্ৰবন্ধকাৰ,লেখক উপস্থিত থাকে।
