કાલોલ તાલુકાના અડાદરા ખાતે આદિજાતિ છાત્રાલયમાં સ્વામી વિવેકાનંદ જયંતિના ભાગરૂપે રાષ્ટ્રીય યુવા દિવસની ઉજવણી કરવામાં આવી હતી. જેમાં સ્વામી વિવેકાનંદ ગુજરાત રાજ્ય યુવા બોર્ડના કાલોલ તાલુકા દ્વારા યુવા દિવસ ની ઉજવણી કરવામાં આવી, તેમાં કાલોલ તાલુકા યુવા બોર્ડ ના સંયોજક તેજસસિંહ પરમાર,મૂકેશભાઈ સોલંકી ,જીગરભાઈ સોની દ્વારા આયોજન કર્યું હતું અને માર્ગદર્શન પૂરું પાડીને સ્વામી વિવેકાનંદ રમતોત્સવનું આયોજન કરવામાં આવ્યું. જેમાં રસ્સા ખેંચ,સંગીત ખુરશી,ક્રિકેટ જેવી રમતો રમાડવામાં આવી હતી. અંતે વિજેતા વિદ્યાર્થીઓને સર્ટીફિકેટ અને બુક આપીને સન્માનિત કરવામાં આવ્યા હતા. યુવા બોર્ડના સભ્યો અને સ્કૂલ ના ટ્રસ્ટી, રમેશભાઈ નાથાભાઈ અને પંચાયત સદસ્ય રમેશભાઈ હાજર રહ્યા હતા