કાલોલ પોલીસને મળેલી બાતમી અનુસાર કાલોલ તાલુકાના સાલીયાવ ગામ ખાતે રહેતો ગોવિંદભાઈ બાલુ ભાઈ સોલંકી તેના મકાનોમાં વિદેશી દારૂનો જથ્થો મંગાવી વેચાણ કરતો હોવાની બાતમીના આધારે કાલોલ પોલીસ સ્ટેશનના સીનીયર પીએસઆઇ જેડી તરાલ તેમજ તેમની ટીમ દ્વારા મકાનમાં છાપો મારી ગેરકાયદેસર રાખેલા વિદેશી દારૂની અલગ અલગ જગ્યાએ તપાસ કરતા વિદેશી દારૂના કવાટરીયા તેમજ ટીન બિયર કુલ બોટલ નંગ-૩૩૪ જેની કુલ કિંમત રૂ.૩૭,૨૬૦/-નો મુદામાલ કાલોલ પોલીસે ઝડપી પાડ્યો હતો. કાલોલ પોલીસે ગોવિંદભાઈ બાલુભાઈ સોલંકી પોલીસનાં છાપા દરમિયાન ઘરે હાજર ના મળી આવતા ઉપરોક્ત આરોપી વિરુદ્ધ કાયદાકીય કાર્યવાહી કરી કાલોલ પોલીસ સ્ટેશનમાં પ્રોહિબિશન એક્ટ ની જુદી-જુદી કલમો દ્વારા ગુનો નોંધવામાં આવ્યો છે.