*હિંમતનગરના ખેડાવાડા ગામે ખાતે વિકસિત ભારત સંકલ્પ યાત્રાનું ભવ્ય સ્વાગત કરાયું
સાબરકાંઠા જિલ્લાના હિંમતનગર તાલુકાના ખેડાવાડા ખાતે વિકસિત ભારત સંકલ્પ યાત્રા તાલુકા પ્રમુખ શ્રી ભૂમિકાબેન ની ઉપસ્થિતિમાં યોજાઇ હતી.
આ પ્રસંગે ઉપસ્થિત સૌ નાગરિકોએ વિકસિત ભારત સંકલ્પ યાત્રામાં સહભાગી થવા તેમજ વિકસિત ભારત-૨૦૪૭ના સ્વપ્નને સાકાર કરવામાં પોતાની ભાગીદારી નોંધાવવાના સંકલ્પ લીધા હતા. આ પ્રસંગે લાભાર્થીઓ દ્વારા પોતાના મંતવ્ય રજૂ કરવામાં આવ્યા હતા. ઉપસ્થિત મહેમાનો ના હસ્તે લાભાર્થીઓને કીટ વિતરણ કરવામાં આવ્યું હતું.આ કાર્યક્રમ સ્થળે આરોગ્ય વિભાગ દ્વારા વિનામૂલ્યે આરોગ્યની તપાસ, આયુષ્યમાન ભારત કાર્ડ તેમજ ઉજ્જવલા યોજના અંગેના સ્ટોલ ઉભા કરી યોજનાઓ વિશે નાગરિકો ને માહિતગાર કરવામાં આવ્યા હતા.
આ પ્રસંગે ઉપપ્રમુખ શ્રી હિતેશભાઈ, જિલ્લા સદસ્ય શ્રી, તાલુકા વિકાસ અધિકારીશ્રી,તાલુકા સદસ્ય શ્રી, વિનાયકાકા અને અન્ય મહાનુભાવો અધિકારી શ્રીઓ તેમજ ખુબજ મોટી સંખ્યામાં ગ્રામ જનો ઉપસ્થિત રહ્યા હતા.
