લીંબડી-રાજકોટ હાઈવે પર જીવલેણ અકસ્માતનો બનાવ સામે આવ્યો છે. જેમાં એક રાહદારીનું મોત નીપજ્યું હતું.વડોદ અને વસ્તડી વચ્ચે મહિલા કાર ચાલકે રસ્તા પર ફળ લેવા ઉભેલા વ્યક્તિને અડફેટે લેતાં ઘટનાસ્થળે જ એનું કમકમાટીભર્યું મોત નિપજ્યું હતું.આ ગોઝારા અકસ્માતની ઘટનામાં ફળનુ વેચાણ કરતા લારીધારક અને કારમાં સવાર ત્રણ વ્યક્તિઓ સહિત કુલ ચાર વ્યક્તિઓને ઈજાઓ પહોંચતા તમામને તાકીદે સારવાર અર્થે હોસ્પિટલ ખસેડવામાં આવ્યા હતા. જેમાં હાઈવે પર અકસ્માત બાદ કાર રોડ પર પલટી મારતા મારતા સાઈડમાં આવેલા ખાડામાં ખાબકી હતી.આ ગોઝારા અકસ્માતની ઘટનાની જાણ થતાં લોકોના ટોળેટોળા ઘટના સ્થળે દોડી ગયા હતા. જ્યારે આ અકસ્માતના બનાવની જાણ થતાં પોલીસે તાકીદે ઘટનાસ્થળે પહોંચી મૃતક યુવાનની લાશને પોસ્ટ મોર્ટમ અર્થે સરકારી હોસ્પિટલે મોકલી આપી વધુ તપાસ હાથ ધરી છે.