સુરેન્દ્રનગર બસ સ્ટેશનથી વઢવાણ રોડ પર બે બાઇક વચ્ચે અકસ્માતમાં વઢવાણના આધેડ શિક્ષકને ગંભીર ઇજાઓ પહોંચી હતી. આ અંગે બી-ડિવિઝન પોલીસ મથકે ફરિયાદ નોંધાવતા પોલીસે ગુનો નોંધી કાયદેસર કાર્યવાહી હાથ ધરી છે.વઢવાણમાં રહેતા અને શિક્ષક શાંતીભાઇ મનજીભાઇ બરોલીયા ફરજ પરથી વઢવાણ પોતાના ઘર તરફ જઇ રહ્યા હતા. તે દરમિયાન શિવ હોટલ પાસે ગલીમાંથી એક બાઇકના ચાલકે અચાનક ફૂલ સ્પીડમાં રસ્તો ક્રોસ કરવા જતાં શાંતિભાઇના બાઇક સાથે અથડાતા અકસ્માત સર્જાયો હતો. આથી શિક્ષક બાઇક પરથી નીચે પટકાતાં ઇજાઓ પહોંચતા તાત્કાલિક સારવાર માટે સુરેન્દ્રનગર ખાનગી હોસ્પિટલમાં લઇ જવાયા હતા. આ અંગે શિક્ષકે બાઇકચાલક વિરૂધ્ધ બી-ડિવિઝન પોલીસ મથકે ફરિયાદ નોંધાવી હતી.