ડીસા પોલીસ દ્વારા 31 ડિસેમ્બરને લઈ દારૂની હેરાફેરી અટકાવવા માટે સતત પેટ્રોલિંગ કરવામાં આવી રહ્યું છે. ત્યારે ડીસા તાલુકા પોલીસની ટીમે શુક્રવારે સવારે બનાસ પુલ પાસેથી 191 બોટલ દારૂ ભરેલી ગાડી સાથે એક શખ્સને ઝડપી પાડ્યો છે.

રાજેશભાઈ પુરોહિતને બાતમી મળી હતી કે એક ગાડી દારુ ભરીને જઈ રહી છે. જેથી તાત્કાલિક તાલુકા પોલીસની ટીમે ડીસાના બનાસ પુલ પાસે નાકાબંધી કરી સામેથી આવી રહેલ ગાડી નંબર જીજે-01-કેએ-1598 ને રોકાવી તપાસ કરતા ગાડીમાંથી દારૂ 191 બોટલો મળી આવી હતી.

પોલીસે દારૂ, ગાડી, મોબાઈલ સહિત કુલ રૂપિયા 1,74,760 નો મુદ્દામાલ જપ્ત કર્યો હતો. આમ ગાડી ચાલક રતનજી લેરાજી ઠાકોર (રહે.સામઢી,તા.પાલનપુર) ની અટકાયત કરી તેની સામે પ્રોહિબિશન એક્ટ મુજબનો ગુનો નોંધી વધુ તપાસ હાથ ધરી છે. પોલીસે ગાડી, મોબાઈલ, દારૂ સહિત રૂ. 1.74 લાખનો મુદ્દામાલ જપ્ત કર્યો હતો.