অহা ৪ বছৰৰ ভিতৰত মৰাণ সমষ্টিৰ প্ৰায় ৯৫ শতাংশ জৰাজীৰ্ণ পথ মেৰামতি কৰা হ'ব বুলি প্ৰতিশ্ৰুতি দিছে মৰাণ সমষ্টিৰ বিধায়ক চক্ৰধৰ গগৈয়ে ।  মৰাণৰ সমীপৰ  তিলৈজান মুণ্ডা লাইনৰ এটা অংগনবাড়ী কেন্দ্ৰ উদ্বোধন কৰি সাংবাদিকৰ আগত এই মন্তব্য কৰে বিধায়ক চক্ৰধৰ গগৈয়ে । তেওঁ কয় যে বিগত কাৰ্যকালত বহুকেইটা পথ পকীকৰণ কৰা হৈছে । এইবাৰো ২০২২-২০২৩ বৰ্ষত প্ৰায় ২৫ কিল'মিটাৰ পথ নিৰ্মাণৰ লক্ষ্য লোৱা হৈছে লগতে কেইবাটাও ভগ্নপ্ৰায় পথ পুনৰ নিৰ্মাণ কৰি সক্ৰিয় অৱস্থালৈ অনা হ'ব । ইয়াৰ বাবে কিছু ধৈৰ্যৰ প্ৰয়োজন । উল্লেখযোগ্য যে অসম চৰকাৰৰ সমাজ কল্যাণ বিভাগৰ দ্বাৰা ২৫ লাখ টকা ব্যয়ৰে  নিৰ্মাণ কৰা তিলৈজান মুণ্ডালাইন  আদৰ্শ অংগনৱাড়ী কেন্দ্ৰটো উদ্বোধনী অনুষ্ঠানৰ লগত সংগতি ৰাখি এখন সভাও অনুষ্ঠিত হয় । সভাত বিধায়ক গৰাকীৰ লগতে খোৱাং উন্নয়ন খণ্ডৰ বিষয়া, পঞ্চায়তৰ নেতা-কৰ্মীৰ সহিতে স্থানীয় লোক সকল উপস্থিত থাকে ।