স্বাধীনতা দিৱসলৈ মাজত মাথো কেইটামান দিন বাকি। স্বাধীনতা দিৱসক কেন্দ্ৰ কৰি টিংখাঙত আৰক্ষীৰ ব্যাপক তৎপৰতা। টিংখাঙৰ বগাদাত চাৰি আলিত গঢ়ি তোলা হৈছে নিছিদ্ৰ নিৰাপত্তা বেষ্টনি। স্বাধীনতা দিৱসৰ দিনটোত যাতে উগ্ৰপন্থী সংগঠনে অঞ্চলটোত কোনোধৰণৰ কূটাঘাটমূলক কাৰ্য সংঘটিত কৰিব নোৱাৰে তাৰবাবে কটকটীয়া কৰি তুলিছে নিৰাপত্তা ব্যৱস্থা। অঞ্চলটোৰ বিভিন্ন স্হানত আৰক্ষী - ব্লেকপেন্থাৰ দলে দিনে-নিশাই তালাচি অব্যাহত ৰাখিছে। তন্ন-তন্নকৈ পৰীক্ষা কৰা হৈছে প্ৰতিখন দুচকীয়া-চাৰিচকীয়া যান-বাহন। প্ৰধানকৈ ডিব্ৰুগড় আৰু চৰাইদেউ জিলাৰ সীমামূৰীয়া অঞ্চলত বিশেষ সতৰ্কতা গ্ৰহণ কৰিছে।