સુપ્રસિદ્ધિ યાત્રાધામ પાવાગઢ ખાતે આજે કારતકી પૂનમ એટલે કે દેવ દિવાળીના પર્વને અનુલક્ષીને ડુંગરની ટોચ પર બિરાજમાન મહાકાળી માતાજીના મંદિર ખાતે માં કાલિકા મંદિર ટ્રસ્ટ પાવાગઢ દ્વારા ભવ્ય અન્નકૂટના દર્શનનું આયોજન કરવામાં આવ્યું હતું જેમાં વિવિધ ભોગની મીઠાઈઓ સહિતની અનેક વાનગીઓના થાળ અને સુંદરતાથી સજાવી માતાજીને અન્નકૂટનો ભોગ પધરાવવમાં આવી વહેલી સવારથી અન્નકૂટના દર્શનનો આરંભ માઈ ભક્તો માટે કરવામાં આવતા આજે દેવ દિવાળી નિમિત્તે મંદિર ખાતે મહાકાળી માતાજીના દર્શનાર્થે ગુજરાત સહિત આંતર રાજ્યોમાંથી પધારેલા હજારો માઈ ભક્તોએ સવારથી સાંજ સુધીમાં મહાકાળી માતાજીના દર્શન કરવા સહિત ભવ્ય અન્નકૂટ તેમજ માતાજીની પાદુકાના દર્શન કરવાની પણ અનુભૂતિ પ્રાપ્ત કરી ધન્ય બન્યા હતા.