সদৌ অসম কৰ্মচাৰী পৰিষদৰ অন্যতম আঞ্চলিক গোট তথা নগাঁও জিলা কৰ্মচাৰী পৰিষদৰ অন্তৰ্গত ৰহা আঞ্চলিক কৰ্মচাৰী পৰিষদৰ ৩৫সংখ্যক দ্বি বাৰ্ষিক অধিবেশন আজি অনুষ্ঠিত হৈ আৰু ২০২৩-২৫বৰ্ষৰ বাবে ৰহা আঞ্চলিক সমিতিৰ নতুন সমিতি গঠন কৰা হয়।
ৰহা দৰংগী গাঁও আঞ্চলিক উচ্চ মাধ্যমিক বিদ্যালয় ত আজি পূবা আঞ্চলিক সমিতিৰ সভাপতি ভূপেন্দ্ৰ কুমাৰ দাসে পতাকা উওোলন আৰু দৰংগী গাঁও উচ্চ মাধ্যমিক বিদ্যালয় ৰ প্ৰধান শিক্ষক ম:হিপজুৰ ৰহমান চৌধুৰী ৰ দ্বাৰা বন্তি প্ৰজ্বলন কৰি অধিবেশনৰ শুভাৰম্ভ কৰাৰ পাছত সভাপতি ভূপেন্দ্ৰ কুমাৰ দাসৰ সভাপতিত্বত, সম্পাদক লক্ষী প্ৰসাদ ডেকা ৰ উদ্দেশ্য ব্যাখ্যা আৰু শিক্ষক আঁত ধৰা প্ৰতিনিধি আৰু সম্বৰ্ধনা সভাৰ উদ্বোধন কৰে কপিলী খণ্ড প্ৰাথমিক শিক্ষা বিষয়া সমৰ বৰুৱাই।
সভাত মুখ্য অতিথি ৰূপে সদৌ অসম কৰ্মচাৰী পৰিষদৰ উপ সভাপতি শ্যামন্ত দাস,নিদিষ্ট বক্তা ৰুপে সদৌ অসম কৰ্মচাৰী পৰিষদৰ সাংগঠনিক সম্পাদক ম:আজিজুৰ (জেনিদ)ৰহমান উপস্থিত থাকি সভা সম্বোধন কৰাৰ লগতে সভাত বিশিষ্ট অতিথি ৰূপে সদৌ অসম কৰ্মচাৰী পৰিষদৰ কাৰ্য্যনিৰ্বাহক সদস্য তথা নগাঁও জিলা কৰ্মচাৰী পৰিষদৰ সভাপতি যজ্ঞেশ্বৰ ৰাজখোৱা, সদৌ অসম কৰ্মচাৰী পৰিষদৰ কাৰ্য্যনিৰ্বাহক সদস্য প্ৰণব শইকীয়া,পুতুল ডেকা,ম:মজিবুৰ ৰহমান আৰু আমন্ত্ৰিত অতিথি ৰূপে নগাঁও জিলা কৰ্মচাৰী পৰিষদৰ মুখ্য উপদেষ্টা মিন্টু শৰ্মা উপস্থিত থকাৰ লগতে আজি ৰ অধিবেশনত পুৰনা সমিতি ভংগ কৰি সৰ্বসম্মতিত ২০২৩-২৫বৰ্ষৰ বাবে হেমকান্ত শইকীয়াক সভাপতি, লক্ষী প্ৰসাদ ডেকাক সম্পাদক হিচাপে লৈ ৰহা আঞ্চলিক কৰ্মচাৰী পৰিষদৰ নতুন সমিতি গঠন কৰা হয়।
অধিবেশনত নগাঁও জিলা কৰ্মচাৰী পৰিষদৰ উপ সভাপতি নাৰায়ন মজুমদাৰ, নগাঁও জিলা কৰ্মচাৰী পৰিষদৰ কাৰ্য্যনিৰ্বাহক সদস্য ম:আয়ুব আলি, সাংগঠনিক সম্পাদক জ্যোতিপ্ৰসাদ নাথ,ৰহা আঞ্চলিক কৰ্মচাৰী পৰিষদৰ উপদেষ্টা পুতুলি মুদৈ,সহকাৰী সম্পাদিকা জোনমনি ভূঞা সহ সদৌ অসম কৰ্মচাৰী পৰিষদ,নগাঁও জিলা কৰ্মচাৰী পৰিষদৰ, ৰহা আঞ্চলিক কৰ্মচাৰী পৰিষদৰ বিষয় ববীয়া,সদস্য, সদস্যা সহ বিভিন্ন বিদ্যালয় ৰ শিক্ষক, শিক্ষয়ত্ৰী, বিভিন্ন বিভাগৰ কৰ্মচাৰী, দৰংগী গাঁও উচ্চ মাধ্যমিক বিদ্যালয় ৰ শিক্ষক, শিক্ষয়ত্ৰী,ছাত্ৰ ছাত্ৰী উপস্থিত থাকে।
