অসম প্ৰদেশ যুৱ কংগ্ৰেছ কমিটিয়ে হাতত লোৱা 'য়ুথ জোড়ো যাত্ৰা'-ৰ দ্বিতীয়লানি কাৰ্যসূচীৰ অংশ হিচাপে আজি চৰাইদেউ জিলাৰ মৰাণত পদযাত্ৰাৰ কাৰ্যসূচী গ্ৰহন কৰে যুৱ কংগ্ৰেছে ৷ চৰাইদেউ জিলা যুৱ কংগ্ৰেছ কমিটিৰ উদ্যোগত জিলাখনৰ মাহমৰা সমষ্টি যুৱ কংগ্ৰেছ আৰু সোণাৰী সমষ্টি যুৱ কংগ্ৰেছ কমিটিৰ সহযোগত উলিওৱা এই যাত্ৰাত কেইবাশ যুৱ কংগ্ৰেছ কৰ্মীয়ে অংশগ্ৰহন কৰে ৷ মৰাণৰ থমচন তিনিআলিৰ পৰা মৰাণ নগৰলৈকে এক পদযাত্ৰা উলিয়াই মৰাণ মিলিত শিল্পী সমাজৰ প্ৰেক্ষাগৃহত এক সভাও অনুষ্ঠিত কৰে যুৱ কংগ্ৰেছে ৷ এই ৰেলীত অসম প্ৰদেশ কংগ্ৰেছ কমিটিৰ সাধাৰণ সম্পাদক সুৰুজ দিহিঙীয়া, অসম প্ৰদেশ যুৱ কংগ্ৰেছ কমিটিৰ সভাপতি জুৱেৰ আনম, চৰাইদেউ জিলা সমিতিৰ সভাপতি গকুল গগৈকে ধৰি ৰাজ্যিক সমিতি, জিলা সমিতি আৰু মণ্ডল সমিতিৰ বিষয়ববীয়াসকলে অংশগ্ৰহন কৰে ৷