লখিমপুৰ জিলাৰ লালুক আৰক্ষীৰ ব্যাপক সফলতা৷ ছয়টাকৈ চোৰাং গৰু সহ আটক দুই সৰবৰাহকাৰী৷ লালুক আৰক্ষী থানাৰ আৰক্ষী বিষয়াৰ নেতৃত্বত যোৱা এটি তহলদাৰী দলে ১৫ নং ৰাষ্ট্ৰীয় ঘাইপথত এখন মালবাহী মেজিক গাড়ীত অৰুণাচল প্ৰদেশলৈ নি থকা অৱস্থাত ছয়টাকৈ গৰু জব্দ কৰিবলৈ সক্ষম হয়৷ আৰক্ষীয়ে গাড়ী সহ গৰু ছয়টা জব্দ কৰাৰ সমান্তৰালভাৱে এই কাৰ্যত জড়িত দুটাকৈ সৰবৰাহকাৰীক আটক কৰি সোধাপোছা অব্যাহত ৰাখিছে৷ ধৃত দুই যুৱকে লখিমপুৰ জিলাৰ নাওবৈচা অঞ্চলৰ পৰা কাষৰীয়া অৰুণাচল প্ৰদেশলৈ গৰু কেইটা কঢ়িয়াই নিছিল বুলি আৰক্ষীৰ আগত স্বীকাৰ কৰে৷